चैत्र १० । पूर्व पश्चिम राजमार्गको मोरङको कानेपोखरीमा दुर्घटना हुँदा ५ जनाको घटनास्थलमै मृत्यु भएको छ। अन्य २६ जना घाइते भएका छन्। बुधबार साँझ साढे सात बजे कानेपोखरीको छधारे भन्ने ठाउँमा काकडभिट्टाबाट बुटवल जाँदै गरेको ना ५ ख ५३८७ नम्बरको बस र मे ४ प ८५११ मोटरसाइकल ठोक्किदा दुर्घटना भएको प्रहरीले जानकारी दिएको छ । मृत्यु हुनेहरुमा मोटरसाइकलमा सवार लेटाङ ३ का तिलक लिम्बु र देवेन्द्र लिम्बु तथा बसमा रहेका झापाका पुरुषोत्तम सुवेदी छन्। बाँकी दुई जनाको पहिचान हुन सकेको छैन। उनलाई विराटनगरस्थित न्यूरो अस्पताल लगिएको छ। चार जना घाइतेलाई शिलगुढी लगिएको प्रहरीले जनाएको छ।