चैत्र–१० । भारतको चर्चित कमेडि शो ‘द कपिल शर्मा शो’मा अब नवजोत सिंह सिद्धु देखिने छैनन् । मन्त्री भएपछि टिभी शो गर्नु अवैधानिक मानिने भएकाले उनी चर्चित कमेडियन कपिल शर्माको शोबाट बिदा लिने तयारीमा लागेका हुन् । सिद्धु पन्जाबका नवनियुक्त मन्त्री हुन् । सिद्धुलाई पन्जाबका एड्भोकेट जनरलले मन्त्रीभएको समयमा टिभी शो गर्नु अवैधानिक हुने बताएका हुन् । यस विषयमा मुख्यमन्त्री अमरिन्दर सिंहले कानुनी राय मागेका थिए । क्रिकेटरबाट नेता बनेका सिद्धुले गत हप्ताको ’द कपिल शर्मा शो’मा आफ्नो उपस्थिति जारी राख्ने बताएका थिए । मन्त्रीले जनतालाई समय दिन पर्ने भन्दै यसलाई स्वीकृति नदिइएको बताइएको छ ।

‘द कपिल शर्मा शो’ नवजोत सिंह सिद्धु भारत