चैत्र–१२ । राजर्षि जनक कप फुटबल प्रतियोगिताको शुक्रबार भएको प्रतिस्पर्धात्मक खेलमा मनाङ मस्र्याङदी विजयी भएको छ । प्रतियोगितामा मनाङले ब्वाइज युनियन क्लबलाई सडनडेथमा ५–४ गोलले पराजित गरेको हो । पहिलो हाफको खेल गोलरहित बराबरीमा सकिएपछि दोस्रो हाफमा दवै टोलीले एकएक गोल गरेका थिए । खेलको ५१ औं मिनेटमा विमल रानाले गोल गर्दै मनाङलाई सुरुवाति अग्रता दिलाएका थिए । तर निर्धारित समयको खेल सकिनुभन्दा ४ मिनेटअघि ब्वाइज युनियनले गोल फर्काएपछि खेल बराबरीमा रोकिएको थियो । बराबरी पछि टाइब्रेकरमा पुगेको खेल पनि ४–४ गोलमा रोकिएपछि खेल सडनडेथमा पुगेको थियो । जसमा मनाङले बाजी मारेको थियो । सर्लाहीमा पहिलोपटक ठूलो प्रतियोगिता भएकाले मैदानमा निकै दर्शक पुगेका थिए । शनिबार एपीएफ क्लब र जाउलाखेलबीच खेल हुनेछ ।

ब्वाइज युनियन मनाङ मस्र्याङदी राजर्षि जनक कप