चैत्र–२० । श्रीलंका र पाकिस्तानको २३ वर्षमुनिका टोली बंगलादेशमा जारी एसिसि इमर्जिङ कपको फाइनलमा भिड्ने भएका छन् । इमर्जिङ कपकोे सेमिफाइनल खेलमा श्रीलंका र पाकिस्तानले आ–आफ्नो खेलमा विजयी हु“दै फाइनल यात्रा तय गरेका हुन् । शनिबार भएको पहिलो खेलमा श्रीलंकाले बंगलादेशको २३ वर्षमुनीको टोलीलाई आठ विकेटले हराउँदै फाइनलमा स्थान बनाएको हो । त्यस्तै, शनिबारनै भएको दोश्रो सेमिफइनलमा पाकिस्तानको २३ वर्षमुनिको टोलीले एशोसिएट राष्ट्र अफगानिस्तानलाई हराउन सफल भयो । चित्तगोङ रंगशालामा टस जितेर पहिले फिल्डिङ गरेको अफगानिस्तानलाई पाकिस्तानले १ सय २३ रनको फराकिलो अन्तरले हराउँदै फाइनलमा श्रीलंकासँगको भेट पक्का गरेको हो । इमर्जिङ कपको फाइनल भोली नेपाली समय अनुसार दिउँसो सवा २ बजे चित्तगोङको जाहुर अहमद चौधरी रंगशालामा हुनेछ । आठ टिम सहभागी प्रतियोगितामा नेपाल समुह चरणबाटै बाहिरिएको थियो । पाकिस्तान र बंगलादेशसँग पराजित भएको नेपालले आफ्नो अन्तिम खेलमा हङकङलाई सात विकेटले हराएको थियो ।

एसिसि इमर्जिङ कप पाकिस्तान फाइनल श्रीलंका