चैत्र–२८ । इन्डियन प्रिमियर लिग (आइपिएल) मा सनराइजर्स हैदरावादले लगातार दोस्रो खेलमा पनि जित दर्ता गरेको छ । आइतबार भएको खेलमा हैदरावादले गुजरात लायन्सलाई ९ विकेटले पराजित गरेको हो । गुजरातले दिएको १ सय ३६ रनको लक्ष्य हैदरावादले २७ बल बाँकी छँदै १ विकेटको क्षतिमा भेट्टायो । हैदरावादको जितको लागि डेभिड वार्नरले नटआउट ७६ रन बनाए । यस्तै मौरिस हेनरिक्सले ५२ रन बनाए । पहिले ब्याटिङ गरेको गुजरात लायन्सले २० ओभरमा ८ विकेट गुमाएर १ सय ३५ रन बनाएको थियो । गुजरातलाई मध्यम स्कोरमा रोक्न रसिद खानले ३ विकेट लिए । उनी म्यान अफ द म्याच पनि भए । हैदरावादले लगातार २ खेल जितको छ भने गुजरातले २ वटै खेलमा पराजय व्यहोरेको छ ।

इन्डियन प्रिमियर लिग (आइपिएल) गुजरात लायन्स सनराइजर्स हैदरावाद