वैशाख–४ । इण्डियन प्रिमियर लिग (आइपिएल) क्रिकेटअन्तर्गत आइतबार भएको खेलमा जित निकाल्दै कोलकता नाइट राइडर्स तालिका शीर्ष स्थानमा उक्लेको छ । कोलकताले दिल्ली डेयरडेभिल्सविरुद्धको खेलमा ४ विकेटले विजयी भएको हो । १६९ रनको लक्ष्य पछ्याएको कोलकताले निर्धारित २० ओभरको खेल सकिन मात्र एक बल बाँकी रहँदा लक्ष्य पुरा गरेको हो । कोलकताको लागि मनीष पाण्डेले सर्वाधिक ६९ रन बनाए । त्यस्तै युसुफ पठानले ५९ र गौतम गम्भीरले १४ रनको साझेदारी गरे । दिल्लीको लागि जाहिर खान र प्याट कमिन्सले समान दुई–दुई विकेट लिए भने क्रिस मोरिस र अमित मिस्राले एक–एक विकेट लिए । यसअघि पहिले ब्याटिङ गरेको दिल्ली डेयरडेभिल्सले निर्धारित २० ओभरमा ७ विकेट गुमाउँदै १६८ रन बनाएको थियो । दिल्लीको लागि सन्जु सामसनले सर्वाधिक ३९ रन बनाए । यस्तै ऋषभ पन्तले ३८, स्रेयस ऐरले २६ र साम बिलिङ्स तथा करुन नइरले समान २१ रन बनाए । कोलकताको लागि नाथन कोल्टर नाइलले ३ विकेट लिए भने क्रिस वोक्स, उमेश यादव र सुनिल नराइनले समान एक–एक विकेट लिए ।

इण्डियन प्रिमियर लिग (आइपिएल) कोलकता नाइट राइडर्स क्रिकेट दिल्ली डेयरडेभिल्स