आइपिएलः हैदरावाद १५ रनले विजयी
वैशाख–७ । इण्डियन प्रिमियर लिग (आइपिएल) क्रिकेटअन्तर्गत बुधबार भएको खेलमा सनराइजर्स हैदरावाद विजयी भएको छ । हैदरावादले दिल्ली डेयरडेभिल्सविरुद्धको खेलमा १५ रनले विजयी भएको हो । १ सय ९२ रनको लक्ष्य पछ्याएको दिल्लीले २० ओभरमा ५ विकेट गुमाएर १ सय ७६ रन मात्र बनाउन सफल भयो । दिल्लीको लागि श्रेयस आयरले नटआउट ५० रन बनाएका थिए । त्यस्तै सन्जु सामसनले ४२, करुण नायरले ३३ तथा एन्जेलो म्याथ्युजले ३१ रन बनाएपनि जित निकाल्न सकेनन् । हैदरावादको लागि मोहम्मद सिराजले दुई विकेट लिए । यसअघि पहिले ब्याटिङ गरेको हैदरावादले निर्धारित २० ओभरमा ४ विकेट गुमाएर १ सय ९१ रन बनाएको थियो । हैदरावादको लागि केन विलियम्सनले सर्वाधिक ८९ र शिखर धवनले ७० रनको योगदान गरे । दिल्लीको लागि क्रिस मोरिसले चार विकेट लिए । ६ खेलमा चौथो जित निकालेको हैदरावाद ८ अंकसहित दोस्रो स्थानमा छ भने पाँच खेलमा दुई खेल मात्रै जित्न सफल दिल्ली चार अंकसहित चौथो स्थानमा छ । इण्डियन प्रिमियर लिग (आइपिएल) क्रिकेट दिल्ली डेयरडेभिल्स सनराइजर्स हैदरावाद
