बैशाख ८ । भारतस्थित राजस्थानको आदिवासी बस्ने जिल्ला बाँसवाडाको कालिन्जर थाना क्षेत्रमा एक प्रेमीले अन्तरजातिय विवाह गरेको भन्दै गाउँलेहरुले उक्त प्रेमीलाई नांगै बनाएर गाउँ घुमाएका छन् । अलग अगल जातका कचरु र मोनका नाम गरेका युवक र युवती करिब दुई वर्षदेखि प्रेम सम्बन्धमा रहँदै आएका थिए । उक्त युवकले डरले आमा बाबुलाई सम्बन्धको बारेमा बताउन सकेनन् । यी दुईको विवाहको हल्ला चल्न थालेपछि दुैजाना त्यहाँबाट भागे र घरका परिवारले नै समातेर ल्याए । यी दुई भिन्न जातका भएका हुनाले उनीहरुलाई गाउँको बदनामीको नाम दिएर सजाय दिनका लागि दुबैलाई नांगै बनाएर घुमाइयो । केही मानिसहरुले उक्त घटनाको भिडियो पनि बनाए । भिडियो भाइरल भएपछि पुलिसलाई उक्त सूचना मिलेको थियो । त्यसपछि पुलिसले उनीहरुलाई निर्वस्त्र घुमाएर मारपिट गर्ने १८ व्यक्तिलाई पक्राउ गरेको थियो ।