बैशाख ११ । चर्चित भारतीय कमेडियन कपिल शर्माको ‘दी कपिल शर्मा शो’ ले सय हप्ता पूरा गरेको छ । सोही अवसरको खुशीयालीमा कपिलले शोका सम्पूर्णलाई धन्यबाद दिएका छन् । साे अवसरमा शो छाडेर जाने सबै सदस्यलार्इ समेत कपिलले सम्बोधन गरेका थिए । शोका अर्का सदस्य सिद्धुले भने शो छाड्ने कलाकारहरुलाई फिर्ता आउन आग्रह गरे । केही समयअघि अष्ट्रेलिया टुरबाट फर्किने क्रममा कपिलले रक्सीको मातमा शाे कलाकार सुनिल ग्राेभरमाथि हातपात गरेका थिए । कपिलले शाेका सदस्यहरूकाे चित्त दुखाएकाे भन्दै सुनिल अर्थात डाक्टर महशुर गुलाटी, चन्दन प्रभाकर, अली असागर, सुगन्दा मिश्रा र प्रिती सामोसले उक्त शो छाडेका थिए ।