काठमाडौँः जेठ २४ गतेदेखि नेपालभर रिलिज हुन लागेको फिल्म ‘आधा लभ’ले आफ्नो प्रचारको काम नयाँ ढंगले सुरु गरेको छ । फिल्मकी निमात्रीसमेत रहेकी ऋचा शर्माले नेपाल आजसँगको कुराकानीमा प्रचारप्रसारका लागि कविता वाचन प्रतियोगिता गर्न लागेको बताइन् ।

कवितामात्र नभएर आधा लभ शीर्षकमा कथा, कविता, निबन्ध, मुक्तक लगायत जुनसुकै रचनाहरु [email protected] मा पठाउन सकिने उनले जानकारी दिइन । जेठ १७ गतेसम्म उक्त रचनाहरु पठाइसक्नुपर्ने र विजेतालाई आकर्षण पुरस्कारको पनि व्यवस्था गरिएको अभिनेत्री शर्माले बताइन । यसका साथै विद्यार्थीहरुलाई मध्यनजर गरेर प्रचारको लागि कलेजमा पनि जाने उनले जानकारी दिइन् ।

अभिनेता अर्पण थापाको लेखन र निर्देशन रहेको फिल्म ‘आधा लभ’ मा अर्पण र ऋचालगायत मिथिला शर्मा, टीका पहारी, रेमनदास श्रेष्ठ, रोजीशा शाही आदिको पनि भूमिका रहेको छ ।

आधा लभ ऋचा शर्मा