जेठ–१ । इंग्लिस प्रिमियर लिगअन्तर्गत आइतबार राति भएको खेलमा म्यानचेस्टर युनाइटेड पराजित भएसँगै आगामी सिजनको च्याम्पियन्स लिगका लागि छनौट हुने सम्भावना सकिएको छ ।

घरेलु मैदानको खेलमा युनाइटेडलाई टोटनह्यामले २–१ ले पराजित गरेको हो । टोटनह्यामको लागि विक्टर वानयामा र ह्यारी केनले गोल गरे । युनाइटेडका लागि वायने रुनीले एक गोल फर्काए ।

खेलको छैटौं मिनेटमै वानयामाले गोल गर्दै टोटनह्यामलाई सुरुवाति अग्रता दिलाएका थिए । त्यस्तै ४८ औं मिनेटमा केनले गोल गर्दै अग्रता दोब्बर बनाएका थिए । युनाइटेडको लागि रुनीले ७१ औं मिनेटमा एक गोल फर्काए ।

जितपछि दोस्रो स्थानमा रहेको टोटनह्यामको ८० अंक भएको छ भने छैटौं स्थानको युनाइटेडको ६५ अंक छ । लिगको उपाधि चेल्सीले जितिसकेकाले अबको बाँकी खेलहरु अंक दूरी घटाउनको लागि टोलीहरु मैदानमा उत्रिनेछन् ।