१७ वर्षपछि मोनाकोले फ्रान्सको लिग उपाधि जितेको छ । मोनाकोले लिगको एक खेल अगावै उपाधि जितेको हो ।

उपाधिका लागि एक अंक आवश्यक रहेको मोनाकोले बुधबार राति सेन्ट इटिने क्लबलाई २–० ले पराजित गरेपछि उपाधि आफ्नो नाममा गर्न सफल भएको हो । मोनाकोलाई जित दिलाउन काइलियान माबापे र भालेर् जर्मनले गोल गरे ।

खेलको १९ औं मिनेटमा गोल गर्दै माबापेले मोनाकोलाई सुरुवाति अग्रता दिलाएका थिए । जर्मनले खेलको अतिरिक्त समयमा गोल गरेपछि मोनाको २–० ले विजयी भयो ।

जितसँगै मोनाकोले ३७ खेलमा ९२ अंक बनाएको छ । पेरिस सेन्ट जर्मनी ८६ अंकका साथ दोस्रो स्थानमा छ । पछिल्लो पटक मोनाकोले सन् २००० मा उपाधि जितेको थियो । यो समेत मोनाकोको आठौं लिग उपाधि हो ।