जाजरकोट: त्रिवेणी नलगाड नगरपालीका–४ मा चुनाव विजय भोजवाट घर फर्कने क्रममा बाटोमै एक जनाको मृत्यु भएको छ । भीरालो वाटोमा हिड्ने क्रममा लडेर मृत्यु भएको हो ।

त्रिवेणी नलगाड नगरपालीकाका नव निर्वाचित मेयर टेकबहादुर रावललले लहँको खालचौरमा शुक्रवार आयोजना गरिएको विजय भोज खाएर घर फर्कने क्रममा त्रिवेणी नलगाड नगरपालीका–४ पिपलचौरका ३९ बर्षिय मानबहादुर वलीको लडेर मृत्यु भएको प्रहरी श्रोतले वताएको छ । शुक्रवार बेलुका लडेर वलीको मृत्यु भएको भएता पनि सनिवार विहान मात्र वलीका आफन्त र नेपाल प्रहरीलाई जानकारी भएको बताईएको छ ।

वली मृत्यु भएको घटना स्थलमा पुगेर प्रहरी मुचुल्का भैरहेको जिल्ला प्रहरी कार्यालयले जानकारी दिएको छ । मानबहादुर वली लहँमा रहेको भानुभक्त उच्च माध्यामिक विद्यालयका नेपाली विषयका शिक्षक हुन् ।

 

जाजरकोट