काठमाडाैँः अहिलेका चर्चित सेलिब्रेटिहरु फिल्ममा आउनुअघि के काम गर्थे भन्ने कुरा सबैको कौतुहलताको विषय बनेको छ । कतिले आफ्नो करियरको सुरुवात वाचमेन बनेर गरे त कतिले बसको खलासी र वेटरको पनि काम गरे ।

नवाजुद्दीन सिद्दीकी — बलिउडका चर्चित अभिनेता नवाजुद्दनित सिद्दीकीले एक अन्तवार्तामा बताएका छन् की, उनका बाबु किसान थिए । आमी सात भाइ र दुई दिदीबहिनी । घरमा फिल्मको नाम लिनु पनि राम्रो मानिदैनथ्यो । उनी राम्रो लेखपढ गरुन् भन्ने बाबुको चाहना थियो । धेरै पापडबेलेर हरिद्वारको गुरुकुल कांगडी युर्निभर्सिटिबाट उनले विज्ञानमा ग्राजुवेट गरें । तर पनि जागिर मिलेन । जागिर नपाएपछि यताउती गरेरै समय बित्यो । बडौदामा एक पेट्रोलियम कम्पनी थियो । त्यहाँ रहेर डेढ वर्ष काम गरे । त्यहाँ खतरनाक काम भएका कारण जागिर छोडेर उनी दिल्ली आए । त्यसपछि रंगमञ्च धाउने बानी पर्यो । थियटरमा पैसा नपाइने हुनाले विहानबेलुका छाक टार्नको लागि उनले वाचमेनको काम गर्न थाले । थियटरमा काम गर्ने क्रममा नै उनले फिल्ममा आउने मौका पाए ।

अक्षय कुमार — फिल्ममा आउनु भन्दा अघि अक्षय कुमार भाँडा माज्ने काम गर्थे । ब्यांककमा आफ्नो खर्च जुटाउनकालागि अक्षय एक होटलमा वेटर थिए । त्यहीँ काम गर्दा उनले भाँडा पनि माज्नुपर्ने हुन्थ्यो । उनले सन् १९९१ मा पहिलो फिल्म ‘सौगांध’ मा डेब्यु गरे । त्यसपछि उनले कहिल्यै पछि फर्केर हेर्नु परेन ।

रजनीकान्त — दक्षिण भारतीय सिनेमाका सुपरस्टार रजनीकान्तलाई दक्षिण भारतमा भगवान मानेर पूजिन्छ । तर, यी सुपरस्टार फिल्ममा आउनुभन्दा पहिला बसका खलासी थिए । जब उनी बसमा टिकेट काट्थे, उनको स्टाइलबाट प्रभावित भएर एक निर्देशकले उनलाई फिल्ममा काम गर्ने मौका दिएका थिए । त्यँहादेखि उनको भाग्य बदलियो ।

जोनी लीभर — बलिउडका चर्चित कमेडियन जोनी लीभर फिल्ममा आउनु भन्दा पहिले सडकमा पेन बेच्ने गर्थे । फिल्ममा दर्शकलाई हसाउँन माहिर जोनी लीभरले फिल्म ‘दर्द का रिश्ता’ बाटबलिउडमा डेब्यु गरेपछि उनलाई अहिलेसम्म पछाडि फर्केर हेर्नुपरेको छैन ।

रणभीर सिंह — बलिउडका चर्चित अभिनेता रणभीर सिंह बलिउडमा आउनु भन्दा पहिले एक विज्ञापन एजेन्सीमा काम गर्ने गर्थे । मुम्बइको एक विज्ञापन कम्पनीमा उनको कपीराइटरको पद थियो । पछि आफ्नो निर्देशक साथी मनिष शर्माले उनलाई अभिनयमा ल्याएका हुन् ।