टोटनह्यामको शानदार जित, केनले गरे चार गोल
इंग्लिस प्रिमियर लिग अन्तर्गत शुक्रबार भएको खेलमा ह्यारी केनको उत्कृष्ट प्रदर्शनमा टोटनह्यामले शानदार जित दर्ता गरेको छ । टोटनह्यामले साबिक विजेता लेस्टर सिटीलाई ६–१ ले पराजित गरेको हो ।
टोटनह्यामको जितमा ह्यारी केनले चार गोल गरे । थप दुई गोल सन हेङ–मिनले गरे । लेस्टरका लागि चिलवेलले एक गोल फर्काए ।
२५ औं मिनेटमा केनले गोल गर्दै टोटनह्यामलाई सुरुवाति अग्रता दिलाएका थिए । त्यसपछि दोस्रो हाफमा थप तीन गोल गरे । उनले ६३, ८८ र इन्जुरी समयमा गरी चार गोल पूरा गरेका हुन् । यस्तै सनले ३६ र ७१ औं मिनेटमा गरी दुई गोल गरे ।
लेस्टर सिटीसँगको खेलमा चार गोल गरेसँगै केन यो सिजन लिगमा सर्वाधिक गोल गर्ने खेलाडीको सूचिमा शीर्ष स्थानमा उक्लिएका छन् । केनलाई आफ्ना गोलरक्षक ह्युगो लोरिसले ‘गोल्डन ग्लोभ्स’ जित्नेमा पनि विश्वस्त छन् ।
एक खेल बाँकी हुँदा अहिलेसम्म उनले २६ गोल गरेका छन् भने सात गोलका लागि सहयोग गरेका छन् । दोस्रो स्थानमा रहेका एभर्टनका रामेलु लुकाकुले २४ तथा तेस्रो स्थानमा रहेका आर्सनलका एलेक्स सान्चेजले २३ गोल गरेका छन् ।
जितपछि दोस्रो स्थानको टोटनह्यामको ८३ अंक भएको छ ।
इंग्लिस प्रिमियर लिग टोटनह्याम
