युनाइटेड युरोपा लिगको फाइनलमा आयाक्सविरुद्ध आज खेल्ने
म्यानचेस्टर युनाइटेडले यस सिजनमा एक मात्र उपाधि जित्ने होडमा युरोपा लिगअन्तर्गत डच क्लब आयाक्सविरुद्ध फाइनल खेल्दैछ ।
जोसे मोउरिन्होलाई यसै वर्ष प्रशिक्षकमा नियुक्त गरेको युनाइटेडका लागि उक्त फाइनल युरोपा लिग जित्ने मात्र नभई च्याम्पियन्स लिगमा प्रवेश गर्ने सुनौलो मौका पनि छ । प्रिमियर लिगमा खराब प्रदर्शन गरेको युनाइटेड छैटौं स्थानमा रहेर च्याम्पियन्स लिगमा स्थान बनाउन असफल भएको थियो ।
तर, युरोपा लिग जितेको खण्डमा युनाइटेड प्रिमियर लिग विजेता चेल्सी, टोटेनहाम र म्यानचेस्टर सिटीसँगै च्याम्पियन्स लिगको समूह चरणमा प्रवेश गर्नेछ । युरोपा लिगको विजेताले सिधै च्याम्पियन्स लिगको समूह चरणमा प्रवेश पाउने प्रावधान रहेको छ ।
लिभरपुल प्रिमियर लिगमा चौथो भएर च्याम्पियन्स लिगका लागि छनोट भएपनि उसले समूह चरणमा प्रवेश पाउन प्लेअफ म्याच खेल्नु पर्नेछ ।
म्यानचेस्टर युनाइटेड युरोपा लिग
