स्पेनको उच्च अदालतले अर्जेन्टिनी स्टार फुटबलर लियोनल मेस्सीलाई २१ महिना जेल सजायका साथै २ मिलियन यूरो (११.५८ करोड)जरिवाना गरेको छ । अदालतले मेस्सीलाई कर छलीको आरोपमा सो सजाय सुनाएको हो ।

तर स्पेनको कानूनमा कुनै पनि व्यक्तिलाई अहिंसात्मक अपराधमा २ वर्ष भन्दा कम जेल सजाय भएमा जेलमा पठाइदैन । मेस्सी माथि कर छलीका तीन वटा मुद्दा चलिरहेका छन् । मेस्सी र उनका बुवा माथि चालीस लाख यूरो कर छलीको आरोप छ ।

यो भन्दा पहिला जुलाई ६, २०१६ मा स्पेनको एक अदालतले उनलाई २१ महिना जेल सजाय सुनाएको थियो । त्यतिबेला उनलाई करिब २४ करोड रुपैयाँ जरिवाना तोकिएको थियो । बुवालाई २१ महिना जेल सजाय सुनाउनुका साथै १७.९३ करोड रुपैयाँ जरिवाना तोकिएको थियो ।

मेस्सी र उनका बुवालाई २००६ देखि २००९ को बीचमा शेल कम्पनी मार्फत ४० लाख यूरो छली गरेको आरोप छ । २०१३ मा यो घटना बाहिर आएको थियो । यही घटनाका कारणले अहिले सम्म मेस्सीले ५० लाख यूरो कर भुक्तान गरिसकेका छन् ।

 

स्पेन लियोनल मेस्सी जरिवाना