भारतीय बक्स अफिसमा करिब १५ सय करोड भन्दा माथिको व्यापार गर्न सफल भएको फिल्म ‘बाहुबली २’ का अभिनेता प्रभासले विवाह गर्ने भएका छन् । पाँच वर्षसम्म बाहुबलीको कामले गर्दा विवाह रोकेका प्रभासले ६ हजार विवाह प्रस्तावलाई अस्वीकार गरेका थिए ।

फिल्मकी अर्की अभिनेत्री अनुष्का शेट्टीले पनि प्रभाससँग विवाह गर्नकै लागि दुई वर्षसम्म आफ्नो विवाह रोकेको भारतीय मिडियाले जनाएको छ । प्रभास उनले पनि आफूजस्तै फिल्ममा पूर्ण रुपमा ध्यान दिउन् भन्ने चाहन्थे ।

भारतको चर्चित अनलाइन पोर्टलअनुसार अहिले यी दुई एकअर्कासंग डेट गरिरहेको बताइएको छ । फिल्ममा पनि प्रभास र अनुष्काको केमेस्ट्रिलाई खुब रुचाइएको थियो । उनीहरुको सम्बन्धबारे भने प्रभास र अनुष्का दुवैले मुख खोलेका छैनन् ।

Anuska Shetty