राजविराजः सप्तरीको शम्भुनाथ नगरपालिकास्थित खोक्सरमा आफ्नो जीउमा आगो लगाउँदा एक महिलाको शुक्रबार मृत्यु भएको छ ।

मृत्यु हुनेमा जिल्लाको शम्भुनाथ नगरपालिका–१ निवासी इन्द्रदेव यादवकी ३५ वर्षीया श्रीमती रामादेवी यादव रहेको प्रहरीले जनाएको छ ।

आगोले पोलेर गम्भीर घाइते भएकी उनको धरानस्थित बीपी कोइराला स्वास्थ्य विज्ञान प्रतिष्ठानमा उपचारकाक्रममा शुक्रबार मृत्यु भएको प्रहरी नायब उपरीक्षक यादवराज उप्रेतीले बताए । श्रीमान्सँग सामान्य विवाद हुँदा रामादेवीले आफ्नो शरीरमा मट्टितेल छर्केर आगो लगाएकी थिइन् ।