काठमाडौं । फिल्म ‘ए मेरो हजुर २’ को दोस्रो गीत रिलिज भएको छ । केही समयअघिमात्र सार्वजनिक भएको उक्त फिल्मको ‘कसम हो कसम’ बोलको गीतलाई दर्शकले सार्वधिक रुचाएका थिए ।

गीतको लोकेसन र नायिका साम्राज्ञी राज्य लक्ष्मी शाहको बोल्ड अवतारले खुब चर्चा बटुलेको थियो । अहिले भने लोकलयमा आधारित ‘किनिदेउ न साइला दाई’ बोलको गीतको भिडियो सार्वजनिक भएको हो ।

गीतको भिडियोमा मारुनी अवतारमा देखिएकी साम्राज्ञी निकै सुन्दर देखिएकी छिन् । यो नयाँ गेटअप पनि दर्शकको अगाडि आकर्षक बन्न सक्छ । फिल्ममा साम्रागी र नव नायक सलिमान बाँनियाको मुख्य भूमिका रहे पनि यो गीतमा भने साम्राज्ञीलाई फिचर गरिएको छ ।

बसन्त साप्कोटाको शब्द तथा संगीत रहेको उक्त गीतमा साधना सरगमको आवाज रहेको छ । गीतलाई कविराज गतहराजले कोरियोग्राफ गरेका हुन् ।
अभिनेत्री झरना थापाको निर्देशनमा बन्न लागेको फिल्म ‘ए मेरो हजुर २’ लाई सुनिल थापाले निर्माण गर्न लागेका हुन् ।

फिल्ममा अनुभव रेग्मी, बुद्धि तामाङ, अनुराग कुँवर, विलसन विक्रम राईलगायतको पनि अभिनय रहेको छ ।

samragee rl shah