‘बाहुबली टु’ ले बक्स अफिसमा कमाईको सबै रेकर्ड तोडेको छ । फिल्मका कारण यसका मुख्य नायक प्रभास निकै चर्चित भएका छन् । केही समयअघि प्रभासले ६ हजार विवाहको प्रस्तावलाई अस्विकार गरेको भन्ने खबर सार्वजनिक भएको थियो अब उनको विवाह तय भएको भनी विभिन्न भारतीय संचार माध्यमले लेखेका छन् ।

रिपोर्टलाई मान्ने हो भने प्रभासले रासी सिमेन्टका चेयरम्यान भूपती राजाकी नातिनीको विवाहको प्रस्तावलाई ‘ग्रिन सिग्नल’ दिएका छन् । यद्यपी, यसबारे प्रभासको परिवारबाट कुनै बयान सार्वजनिक भएको छैन ।

बाहुबली फिल्मका कारण प्रभासले अहिलेसम्म विवाह गरेका थिएनन् । उनले अहिलेसम्म ६ हजार विवाहको प्रस्ताव अस्विकार गरिसकेका छन् ।

बाहुबली सिरिजमा लगभग पाँच वर्षसम्म व्यस्त भएपछि नायक प्रभासले अहिले ब्रेक लिएका छन् । ३७ वर्षीय प्रभास आजकाल अमेरिकामा आफ्ना साथीहरुसँग छुट्टी मनाइरहेका छन् ।