वैशाख–२३ । इंग्लिस क्लब म्यानचेस्टर युनाइटेडले युरोपा लिगको सेमिफाइनलको पहिलो लेगमा सेल्टा भिगोलाई १–० ले पराजित गरेको छ । खेलको ६७ औं मिनेटमा मार्कस रासफोर्डले फ्रि किक गोल गर्दै स्पेनिस क्लब सेल्टा भिगोलाई युनाइटेडले उसैको मैदानमा हराउन सफल भएको हो । जितसँगै युनाइटेडलाई दोस्रो लेगको खेलमा सजिलो हुने भएको छ । दोस्रो लेगमा कम्तीमा बराबरी मात्र खेले युनाइटेड युरोपा लिगको फाइनलमा प्रवेश गर्नेछ । उपाधि जिते युनाइटेडले च्याम्पियन्स लिगमा समेत स्थान सुरक्षित राख्नेछ । युनाइटेडले प्रिमियर लिगको शीर्ष चार भित्र पर्न संघर्ष गरिरहेको बेला आगामी सिजनको च्याम्पियन्स लिगमा छनौट हुने उत्तम मौका पाएको हो । दोस्रो लेग बिहीबार वल्ड ट्राफोडमा हुनेछ ।

म्यानचेस्टर युनाइटेड युरोपा लिग सेमिफाइनल