लिग उपाधिको होडमा टोटनह्यामलाई गम्भीर धक्का
वैशाख–२३ । इंग्लिस प्रिमियर लिग उपाधि यात्रामा टोटनह्यामलाई गम्भीर धक्का लागेको छ । लिगअन्तर्गत शुक्रबार राति भएको खेलमा वेष्ट ह्यामसँग १–० ले पराजित भएको हो । घरेलु मैदानमा भएको खेलमा वेष्ट ह्यामको लागि ६५ औं मिनेटमा म्यानुएल ल्यान्जिनीले निर्णयक गोल गरे । पहिलो हाफमा टोटनह्यामका ह्यारी केन र एरिक डियरको प्रहार वेष्ट ह्यामका गोलरक्षक एड्रियनले सुन्दर बचाउ गरेका थिए । उक्त खेल टोटनह्यामले जित्न सफल भएको खण्डमा चेल्सीसँगको अंक दूरी १ मात्र रहने थियो । तर हारले टोटनह्यामको उपाधि होड कमजोर बनाएको छ । लिगका तीन खेल बाँकी रहेको टोटनह्यामको ७७ अंक रहेको छ भने चार खेल बाँकी रहेको चेल्सीको ८१ अंक छ । इंग्लिस प्रिमियर लिग टोटनह्याम वेष्ट ह्याम
