वैशाख २३ । चलचित्र ग्यांग्स्टार ब्लुजको टिजर सार्वजनिक भएको छ । जेरी फिल्मबाट नेपाली फिल्ममा डेब्यु गरेकी नायिका आना शर्मा र नवनायक आशिरमान देशराज जोशीको मुख्य अभिनय रहेको फिल्मलाई हेमराज बीसीले निर्देशन गरेका हुन् । फिल्ममा आना र आशिरमान लगायत सम्यम पुरी, रोजीशा शाही ठकुरी, राम बाबु गुरुङ, प्रमोद अग्रहरी आदीको पनि अभिनय रहेको छ । सरोज न्यौपाने र हेमराज बीसीको संयुक्त निर्माणमा बनेको उक्त फिल्म भाद्र २ मा रिलिज हुने बताइएको छ ।