आर्सनलले तोड्यो युनाइटेडको २५ खेलको अपराजित यात्रा
वैशाख–२५ । इंग्लिस प्रिमियर लिगमा आर्सनलले म्यानचेस्टर युनाइटेडको अपराजित यात्रा तोड्दै आगामी सिजन च्याम्पियन्स लिग फुटबलका लागि छनौट हुने सम्भावना कायम राखेको छ । आइतबार सम्पन्न भएको खेलमा आर्सनलले २५ खेलमा अपराजित रहेको युनाइटेडलाई २–० पराजित गर्दै शीर्ष चारमा रहने सम्भावना कायम राखेको छ । पहिलो हाफ गोलरहित बराबरीमा रोकिएपछि दोस्रो हाफमा आर्सनलले दुई गोल गर्दै जित निकाल्न सफल भयो । आर्सनलको जितका लागि ग्रनिट जाका र ड्यानी वेलबेकले गोल गरे । घरेलु मैदानमा भएको खेलमा जाकाले ५४ औं मिनेटमा गोल गर्दै आर्सनललाई सुरुवाति अग्रता दिलाएका थिए । त्यसको तीन मिनेटमै अर्थात ५७ औं मिनेटमा वेलबेकले गोल निर्णायक गोल गर्दै आर्सनलको अग्रता दोब्बर बनाए । हारपछि युनाइटेडको अन्तिम ४ मा प्रवेश गर्ने सम्भावना कम भएको छ । युनाइटेडलाई पराजित गरेको आर्सनल ३४ खेलमा ६३ अंक बोकेर छैटौं स्थानमा छ । पाँचौ स्थानको युनाइटेडको ६५ र म्यानचेस्टर सिटीको ६९ अंक छ । आर्सनल इंग्लिस प्रिमियर लिग म्यानचेस्टर युनाइटेड
