साउथह्याप्टनले लिभरपुललाई बराबरीमा रोक्यो
वैशाख–२५ । इंग्लिस प्रिमियर लिगमा साउथह्याम्पटनले लिभरपुललाई गोलरहित बराबरीमा रोकेको छ । घरेलु मैदानमा बराबरीमा रोकिएपछि लिभरपुलको शीर्ष ४ स्थान सुनिश्चित गर्ने अभियानमा धक्का लाग्ने सम्भावना बढेर गएको छ । दोस्रो हाफमा पाएको पेनाल्टीमा जेम्स मिल्नेरले गोल गर्न नसक्दा लिभरपुल सम्भावित ३ अंक जोड्नबाट चुक्यो । साउथह्याम्पटनसँग अंक बाड्नु परेपछि लिभरपुलको ३६ खेलबाट ७० अंक मात्र भएको छ । तेस्रो स्थानमा रहेपनि लिभरपुल चौथो स्थानको म्यानचेस्टर सिटी भन्दा १ अंक र युनाइटेड भन्दा ५ अंकले मात्र अघि छ । साथै लिभुरपुलले युनाइटेड र सिटीभन्दा एक खेल बढि खेलेको छ । प्रशिक्षक जर्गेन क्लोपले प्रिमियर लिगमा साउथह्याम्पटनविरुद्धको खेल अहिलेसम्म जितेका छैनन् । उनी पाँचौ पल्ट क्लाउडे पुएलको टिमलाई पराजय गर्नबाट चुकेका हुन् । इंग्लिस प्रिमियर लिग लिभरपुल
