जेठ १८ । बलिउड अभिनेत्री प्रियंका चोपडा यतिबेला बलिउडमामात्र सिमित छैनन् । हलिउडमासमेत आफ्नो पहिचान बनाएकी प्रियंकाको पहिलो हलिउड डेब्यु ‘बेवाच’ रिलिज भएको छ ।

प्रिमियर शोमा उक्त फिल्म हेरेका अभिनेता बरुण धवानले प्रियंकालाई राम्रो प्रतिक्रिया दिएका छन् । ट्वीटर मार्फत उनीहरुले एक अर्काको भाव साटेका छन् ।

बरुणले प्रियंकाकोे भूमिकाले एकदम मनोरञ्जन दिएको र भारतले उक्त फिल्मबाट भरपूर मनोरञ्जन पाउने बताएका छन् ।

बरुण यतिबेला आफ्नो आउँदै गरेको फिल्म ‘जुडुवा २’ को सुटिङमा व्यस्त रहँदै आएका छन् ।