जेठ–३१ । घटना र विचार साप्ताहिकका सम्पादक बबिता बस्नेत हुन् । महिला सम्पादक भएको पत्रिकामा महिलाको विषय संवेदनशीलताका साथ प्रकाशित हुन्छन् भन्ने आम बुझाइ हुन सक्छ । तर घटना र बिचार साप्ताहिकले आफ्नो बुधबारको अंकमा प्रथम महिला प्रधानन्यायाधीश सुशीला कार्की र एक नीलो फिल्मकी नायिका माया वजिनको फोटो साथै छापेको छ ।

फोटो हेर्दा माया वजिनसँग सुशीला कार्कीले फोटो खिचेको देखिन्छ । प्रधानन्यायाधीशसँग फोटो खिचाउने रहर सबैलाई हुन्छ त्यही रहरका कारणले माया वजिने कार्कीसँग फोटो खिचाएको हुन सक्छ । त्यो फोटोलाई प्रथम पृष्ठमा छापेर घटना र विचार साप्ताहिकले क्याप्सन लेखेको छ‘नीलो फिल्मकी नायिका माया वजिलनका साथ सुशीलका कार्की ।’

पत्रिकामा उल्लेख भएअनुशार माया वजिन अमेरिकी यौन फिल्मकी नायिका हुन् । यो बाहेक अरु कुरा माया वजिनसँग जोडेर लेखिएको छैन । ठूलो मिडिया हाउसले कार्कीलाई राष्ट्रिय हिरो बनाउन खोजेको आरोप लगाइएको छ । कार्कीका बारेमा धेरै विषय उल्लेख गरिएको छ । ति सबै कार्कीको विरुद्धमै छन् ।