असार १४ । बलिउडमा कुनै पनि फिल्मले सय करोडको व्यापार गर्नुलाई सफलता मानिन्छ । त्यस्तै अभिनेता सलमान खान अभिनित फिल्म ‘ट्युबलाइट’ पनि सय करोड क्लबमा प्रवेश गर्न सफल भएको छ ।

प्रदर्शन भएको पाँच दिनसम्म उक्त फिल्मले करिब १०८.३६ करोडको व्यापार गरिसकेको छ । फिल्म गत शुक्रबार रिलिज भएको थियो । फिल्म भरत र लक्ष्मण नाम गरेका दुई दाजुभाइको कथामा आधारित रहेको छ । लक्ष्मणको भूमिका सलमानले निभाएका छन् भने भरतको भूमिका सोहिलले ।
सानैदेखि बाबुआमा गुमाएका भरत र लक्ष्मण एकअर्काको निकै नजिक हुन्छन् । भरत युद्धमा गएपछि घर फर्किदैनन् र लक्ष्मण उनकै खोजीमा लाग्न थाल्छन् । यसकै वरिपरि फिल्मको कथा घुमेको छ ।

कबिर खान निर्देशित उक्त फिल्ममा सलमान र सोहिल बाहेक ओम पुरी, माटिन रे टेंगु, जू जू, मोहम्मद जीशान अयूब, शाहरुख खान लगायतको पनि अभिनय रहेको छ ।

— एजेन्सी