जेठ २२ दक्षिण भारतीय अभिनेत्री रकुलप्रीत सिंहले एउटा मात्र हिन्दी फिल्म ‘यारिया’ मा काम गरेकी छिन् । २०१४ मा रिलिज भएको सो फिल्ममा अभिनेता हिमांस कोहलीसँग लिपलक गरेर उनी चर्चामा आएकी थिइन् ।

उनै अभिनेत्री अहिले आफ्नो बोल्ड अभिव्यक्तिका कारण चर्चामा आएकी छिन् । हालै एक अन्तरवार्तामा उनले भनेकी छिन्, ‘फिल्ममा किसिङ सिन दिँद्या म निकै इन्जोई गर्छु ।’

उनले यसमा अझै थपेर भनिन्, ‘कुनै पनि नायिकाले ठूलो पर्दामा सेक्सी देखिनै पर्छ । मलाई सेक्सी लुक्समा प्रस्तुत हुन कुनै हिच्किचाहट छैन । यो हाम्रो इन्डष्ट्रीको एउटा अंग नै हो । फ्यानहरुले पनि आफ्ना पि्रय नायिकाहरुलाई सेक्सी लुक्समै हेर्न चाहन्छन् ।’

रकुलप्रीत चाँडै नै अर्को हिन्दी फिल्म ‘सिमला मिर्च’ मा देखिँदैछिन् । उनले दक्षिण भारतका दर्जनौं सफल फिल्महरुमा काम गरिसकेकी छिन् । उनका स्मरणीय फिल्महरुमा बैकटाद्री एक्सप्रेस, पुथागम, सराइनोडू, ध्रव, ननक्कु प्रेमाथो लगायत छन् । गल्फ खेलाडी समेत रहेकी उनले राष्ट्रियस्तरमा गल्फ खेलिसकेकी छिन् ।