जेठ २३, झापा । झापामा कारको ठक्करबाट एक जना प्रहरी जवानको मृत्यु भएको छ । ठक्करबाट इलाका प्रहरी कार्यालय, काँकरभिट्टामा कार्यरत प्रहरी जवान अशोक खवासको ज्यान गएको हो ।

मेचीनगर नगरपालिका–६ स्थित कालिखोलामा शुक्रबार राति १० बजे मादक पदार्थ सेवन गरी बीच सडकमा सुतिरहेका एक व्यक्तिलाई उठाउने क्रममा पश्चिमबाट पूर्वतर्फ जाँदै गरेको को १ च ८४५६ नम्बरको कारले उनलाई ठक्कर दिएको थियो ।

दुर्घटनाबाट गम्भीर घाइते उनको बिर्तामोडस्थित विएण्डसी हस्पिटलमा उपचारका क्रममा सोमबार साँझ मृत्यु भएको जिल्ला प्रहरी कार्यालय, झापाले जनाएको छ ।
ठक्कर दिने कार र चालकलाई इलाका प्रहरी कार्यालय, काँकडभिट्टाले नियन्त्रणमा लिएको छ ।

उता, आफ्नै घरको खम्बामा टाउको ठोक्किँदा गौरादह नगरपालिका–१ का ६ वर्षीय आयुस दाहालको ज्यान गएको छ ।

कारको ठक्करबाट एक प्रहरी जवानको मृत्यु