असार २८ । सिंगर कोमल ओलीको नयाँ तीजको गीत सार्वजनिक भएको छ । अन्य पटक झै यसपटक कोमलले आफ्नो गीतमा पोई खोजेकी छैनन् । यसपटक त अब आफू बाँच्ने देशकै लागि हो, पोई चाहिँदैन भन्ने भावना गीतमा उनले राखेकी छन् ।

गीतमा दिदी भाईको कथानक तयार पारिएको छ । जसमा भाईले राजनीतिमा लागेकी दिदीलाई भ्रष्टाचार चाहीँ नगर्नु भन्ने सल्लाह दिन्छन् । भाइ नै मन्त्री दिदीको सल्लाहकार छन् ।

गीतमा कोमललाई पशुपति शर्माले साथ दिएका छन् । पशुपतिकै लय शब्दमा रहेको गीतको भिडियो निर्देशन बच्चु थापाले गरेका छन । गीतलाई युट्युबमा चार लाख बढीले हेरिसकेका छन् ।