साउन ३ । नायक रणवीर कपुरको फिल्म ‘जग्गा जासुस’ बक्स अफिसमा असफल भएको छ । ३ बर्ष लामो प्रतिक्षापछि रिलिज भएको यो चलचित्रले बक्स अफिसमा कमजोर कमाइ गरेको छ ।

शुक्रबार ८.५७ करोडको कमाइ गरेको यो चलचित्रले शनिबार ११.५३ करोडको कमाई गरेको थियो । आइतबार चलचित्रले भारतीय बक्स अफिसमा १३.०७ करोडको कमाइ र्गयो । तर, सोमबार चलचित्रको व्यापार निकै घटेको छ । चलचित्रले सोमबार बक्स अफिसमा ४.०५ करोडको व्यापार गरेको छ । ४ दिनमा चलचित्रले ३७.२२ करोडको कमाइ गरेको छ ।

रणवीर कपुर र कट्रिना कैफको जोडी बक्स अफिसमा कमजोर देखिएको छ । यो चलचित्रलाई बलिउडका ट्रेडहरुले असफल भनेका छन् । बलिउडमा यो बर्ष ठूला ठूला चलचित्र असफल भएका छन् । ३ साता अगाडि मात्र रिलिज भएको सलमान खान अभिनित चलचित्र ‘ट्यूबलाइट’ पनि बक्स अफिसमा असफल भएको थियो ।

Katrina Kaif Ranabir Kapoor