आलुको बोराभित्र लुकाइराखेको ५० थान बन्दुकको गोली, दुईजना पक्राउ
साउन ५ । पर्सामा आलुको बोराभित्र लुकाइराखेको बन्दुकको गोलीसहित दुईजना पक्राउ परेका छन् ।
पर्साको मनवा र रंगपुर–टाँडीबीचको सडकमा मंगलबार साँझ ना४५प ९११६ नम्बरको मोटरसाइकल चेकजाँच गर्नेक्रममा पर्सा, गढी गाँउपालिका वडा नम्बर–१ का ५५ वर्षीय क्षेत्री चौधरी र सोही ठाउँका २१ वर्षीय रामकिसुन चौधरीलाई प्रहरीले पक्राउ गरेको हो ।
मोटरसाइकलमा सवार दुबैजनाले शंकास्पद व्यवहार देखाएपछि प्रहरीले जाँच गर्दा बोराभित्र १२ बोरको बन्दुकमा लाग्ने ५० थान गोली भेटिएको पर्साका प्रहरी उपरीक्षक सुदीप गिरीले बताए ।
