साउन ९ । आइसीसी यू–१९ छनोट क्रिकेटमा नेपालले मलेसियालाई ५ विकेटले पराजित गरेको छ ।

सिंगापुरमा आज भएको खेलमा टस जितेर पहिले फिल्डिङ गरेको नेपालले मलेसियालाई ८९ रनमा सिमित गरेपछि ९० रनको चुनौती पाएको थियो । मलेसियालाई सस्तैमा समेट्नका लागि नेपाली बलर सन्दिप लामिछानेले ७ विकेट लिए भने सहाब आलमले २ तथा रिजन ढकालले १ विकेट लिए। मलेसियाका खेलाडी साहेब अलामको सर्वाधिक ४६ रननै सर्वाधिक रन रहयो । जवाफि व्याटिङ गरेको नेपालले ५ विकेट गुमाउंदै लक्ष्य पुरा गर्यो ।

आइसीसी यू–१९ एसिया छनोटमा नेपालसहित अफगानिस्तान, सिंगापुर र मलेसिया रहेका छन् । अहिलेसम्म कुनै खेलमा पनि पराजित नभई ५ खेलबाट अफगानिस्तानको १० अंक भएको छ भने नेपालको समान खेलबाट ८ अंक भएको छ । अब भोली अफगानिस्तान र नेपालले एक अर्काको सामना गर्ने छन् ।

तालिकामा शीर्ष रहने टोलीले आगमी वर्ष हुने आइसीसी यू–१९ विश्वकप क्रिकेट खेल्न पाउँने छ ।