साउन १२ । पृथ्वी राजमार्गअन्तर्गत गजुरी गाउँपालिका–२ बिहानी पम्प नजिकै आज बिहान एक ट्रक त्रिशूली नदीमा खसेको छ । ट्रक खसेलगत्तै खोजी सुरु गरिएको छ तर ट्रक र सवार कसैलाई पनि भेटिएको छैन ।

जिल्ला ट्राफिक प्रहरी कार्यालय, गजुरीका अनुशार बा ४ ख ५१४६ नं को ट्रक त्रिशूली नदीमा खसेर हराएका हो ।

बिहानी पम्पको मोडमा पुगेपछि सो ट्रक सडकबाट करिब ४० मिटर तल त्रिशूलीमा खसेको थियो । ट्रक चालक काले दमै रहेको र दुर्घटनास्थल नजिकै पसलमा खाजा खाएर गाडी चलाएको पाँच मिनेटमै गाडी त्रिशूलीमा खसेको स्थानीयले जानकारी दिए । ट्रकमा कति मानिस थिए खुल्न सकेको छैन ।