असार २० । नायिका पूजा शर्मा र पल शाह अभिनित फिल्म ‘म यस्तो गीत गाउँछु’ को शिर्ष गीत सार्वजनिक भएको छ । ‘कहाँ छ र’ बोलको यस गीतमा पूजा र पललाई फिचरिङ गरिएको छ ।

प्रमोद खरेल र अन्जु पन्तको स्वर रहको यस गीतमा अर्जुन पोख्रेलको संगीत पनि सुन्न सकिन्छ । गीतलाई कविराज गतहराजले कोरियोग्राफ गरेका हुन् ।

यसअघि पनि यस फिल्मका ‘भन्छु आज’ र ‘किन आजकल तिम्रो मन मैलो भो’ बोलका दुईवटा गीत सार्वजनिक भएका थिए । गीतको अत्याधिक चर्चाकै कारण फिल्म पनि प्रतिक्षित बन्न पुगेको छ ।

फिल्मलाई सुदर्शन थापाले निर्देशन गरेका हुन् । फिल्ममा सरोज खनाल, रुपा राना, राजाराम पौडेल, मोहन निरौला, विक्रम सेन, अर्जुन गुरुङ लगायतका कलाकारको पनि अभिनय रहेको छ । फिल्मलाई सुरर्शन र पूजाले संयुक्त रुपमा निर्माण गरेका हुन् ।

 

Paul and pooja