काठमाडौ । ताप्लेजुङमा जारी दोस्रो पाथीभरा गोल्डकप फुटबल प्रतियोगिताको उपाधिका लागि आज चर्च ब्वाइज युनाइटेड काठमाडौ र सगरमाथा युवा क्लब मोरङबीच प्रतिस्पर्धा हुने भएको छ ।

यसअघि हिजो भएको सेमिफाइनल चरणको अन्तिम खेलमा सशस्त्र प्रहरीको टिम दमकलाई २–१ गोल अन्तरले पराजित गर्दै सगरमाथा टिम विजयी भएको थियो । चर्च ब्वाइज काठमाडौले घरेलु टिम नव प्रयास युवा क्लबलाई १–० गोल अन्तरले पराजित गर्दै फाइनल प्रवेश गरेको हो ।

साउन २२ गतेबाट सञ्चालन भएको प्रतियोगितामा १० टिमको सहभागिता रहेको छ । प्रतियोगितामा विजेताले ट्रफीसहित दुई लाख ११ हजार १११ तथा उपविजेताले एक लाख ११ हजार १११ प्राप्त गर्नेछ ।