काठमाडौं । फिल्म ‘ड्रिम्स’ को अपार सफलता पछि फिल्मकी नायिका साम्राज्ञी राज्य लक्ष्मी शाहको चर्चा पनि एकैपटक चुलियो । समाजिक सञ्जालमा यतिबेला ‘हट केक’ मानिने साम्राज्ञीले आफू हलिउड गायिका रिहान्नाको क्रेजी फ्यान भएको बताएकी छिन् ।

एक अन्तर्वार्तामा बोल्दै साम्राज्ञीले भनिन्, ‘रिहान्नाको गीत सुन्न छुटाएकी छैन । एक समय रिहान्नाले एकपट्टिको कपाल लामो राखेर अर्कोपट्टि खौरिएकी थिइन् । मैले पनि त्यस्तै गरें । पछि ममीले छोरी मान्छेको कपाल लामो हुनुपर्छ भनेर गाली गर्नुभयो । त्यसपछि पाल्न थालें र बल्ल बल्ल यति लामो भएको छ ।’

यतिबेला साम्राज्ञी आफ्नो आउँदो फिल्म ‘ए मेरो हजुर २’ को प्रचारको काममा व्यस्त छिन् । सुनिल थापाको निर्माणमा बनेको उक्त फिल्मलाई अभिनेत्री झरना थापाले निर्देशन गरेकी हुन् । फिल्म यही भदौ १६ गते रिलिज हुने बताइएको छ ।

samragee rl shah