काठमाडौं । यस वर्षको युईएफए वर्ष खेलाडीको अन्तिम तीन नाम सार्वजनिक गरिएकाे छ ।

मनोनयनमा परेका १० खेलाडीलाई ८० प्रशिक्षक तथा ५५ खेल पत्रकारले मत दिएका थिए । त्यसका आधारमा युभेन्टसका गोलरक्षक बुफोन, बार्सिलोनाका स्ट्राइकर मेस्सी तथा रियल मड्रिडका स्ट्राइकर रोनाल्डो अन्तिम तीनमा परेका हुन् ।

गत वर्ष यो अवार्ड रोनाल्डोले जितेका थिए । आगामी अगस्ट २४ मा मोनाकोमा हुने च्याम्पियन्स लिगको ड्र सार्वजनिक गर्ने क्रममा अवार्ड प्रदान गरिने छन् ।

मनोनयनमा परेका १० खेलाडी मध्ये लुका मोड्रिक चौथो, टोनी क्रस पाँचौं, पाउलो डायबाला छैटौं, सर्जियो रामोस सातौं, केलियन एमबाप्पे आठौं, रोबर्ट लेवान्डोस्की नवौं र जाल्टन इब्राहिमोविच दशौं स्थानमा रहे ।