विश्वको दोस्रो स्थानमा रहेका राफायल नाडाल सिनसिनाटी ओपन टेनिसको क्वाटरफाइनलमा प्रवेश गरेका छन् । स्पेनिस नाडालले स्पेनकै अल्बर्ट रामोसलाई पराजित गर्दै अन्तिम आठको स्थान पक्का गरेका हुन् ।

नाडालले रामोसलाई ७–६ र ६–२ को सेटमा हराएका हुन् । दुवै खेलाडीले बार्सिलोनामा भएको आतंकाकारी आक्रमणमा ज्यान गुमाएका र घाइते भएकाको सम्झनामा कालो रिबन बाँधेर खेलेका थिए ।

क्वाटरफाइनलमा नाडालले अस्ट्रेलियाका निक कियग्रिओससँग खेल्ने छन् । निकले क्रोएसियाका इभो क्लोभिकलाई हराएर क्वाटरफाइनलमा स्थान बनाएका हुन् ।

रोजर फेडेररले प्रतियोगिताबाट विश्राम लिएपछि अब नाडाल विश्व नम्बर एकमा फर्किने सम्भावना छ । उनले बेलायती एण्डी मुर्रेलाई पछि पार्दै सन् २०१४ को जुलाईपछि पहिलो पटक विश्व नम्बर एकमा पुग्न लागेका हुन् ।

Rafel Nadal