फ्रेन्च लिग वान च्याम्पियन मोनाकोले शुक्रबार कीर्तिमानी जित निकालेको छ । मोनाकोले यो सिजनमा लगातार तीन तथा समग्रमा लगातार १५ जित निकाल्दै कीर्तिमान बनाएको हो ।

लिग अन्तर्गत शुक्रबार राति भएको खेलमा मोनाकोले मेट्जलाई १–० ले पराजित गर्यो । यो सिजनमा भएको अहिलेसम्मको सबै तीन खेल तथा यसअघि गएको सिजनको पछिल्ला १२ खेल जित्दै मोनाकोले १५ लगातार जितको कीर्तिमान दर्ता गरेको हो ।

मोनाकोको जितको लागि राडामेल फालकाओले ७८ औं मिनेटमा गरेको गोल नै निर्णायक बन्यो । मोनाको लिग वानमा लगातार १५ खेल जित्ने पहिलो टिम बनेको छ ।

monaco league one record