एजेन्सी । हाल छायांकन भइरहेको फिल्म ‘पद्मावती’ मा काम गर्न भन्सालीले ऐश्वर्या राय र सलमान खानसँग पहिलाे प्रस्ताव राखेका थिए । अहिले फिल्मको प्रमुख भूमिकामा रणभीर सि‌ंह, दिपिका पादुकोण र शाहिद कपूर रहेका छन् ।

फिल्मलाई लिएर भन्सालीले सलमानसँग पनि कुरा राखेका थिए तर, सलमानले यसलाई अस्वीकार गरिदिए । भारतको एक म्यागजिनले जनाएअनुासर, सलमान र ऐश्वर्याको ब्रेकअप भएपछि भन्सालीले उनीहरु दुईजना फेरि पनि सँगै हुन सक्छन् भन्ने अनुमान लगाएका थिए । त्यसकारण पनि उनले यो विषयमा सलमान र ऐश्वर्यासँग कुरा पनि राखे ।

ऐश्वर्याले फिल्ममा सलमानले अलाउद्दीन खिलजीको भूमिका निभाउने सर्तमा फिल्ममा काम गर्न राजी भएकी थिइन् । किनभने फिल्ममा पद्मावतीको र अलाउद्दीनको एउटा पनि सँगै भएको दृश्य छैन । सलमान भने यो फिल्म एक प्रेम कथा हुने भइदिएको भएमात्र काम गर्न राजी हुने थिए । तर, फिल्ममा खिलजीको नकारात्मक भूमिका पनि रहेको छ । यसकारण सलमानले फिल्ममा काम गर्न असहमति जनाएको भारतीय मिडियाले जनाएको छ ।

Aishwarya and Salman