काठमाडौं । इङ्लिस प्रिमियर लिग फुटबलअन्तर्गत गएराति भएको खेलमा चेल्सी विजयी भएको छ ।

पहिलो खेलमा बर्नलेसँग अप्रत्यासित हार व्यहोरेको चेल्सीले गएराति टोटनह्याम हट्सपरलाई उसैको मैदानमा २–१ ले हराएको हो । ऐतिहासिक वेम्बले रंगशालामा भएको खेलमा चेल्सीलाई विजयी गराउन स्पेनिस डिफेन्डर मार्कस अलन्सोले दुबै गोल गरे ।

चेल्सीकै मिचि बात्सुईले एक आत्माघाती गोल गरेपछि टोटनह्यामले हार अन्तर कम गरेको हो ।

प्रिमियर लिग फुटबलकै अर्को खेलमा हडर्सफिल्ड टाउनले न्यूकासल युनाईटेडलाई १–० ले हराएको छ । यसै सिजनमा प्रिमियर डिभिजनमा बढुवा भएका दुई टोलीबीचको भिडन्तमा बाजी मार्न हडर्सफिल्डका आरोन मोएले निर्णायक गोल गरे ।

यो जितसँगै हडर्सफिल्ड टाउनले इङ्लिस फुटबलको शीर्ष डिभिजनमा लगातार दुई खेल जित्दै उत्कृष्ट सुरुवात गरेको छ । इङ्लिस प्रिमियर लिग फुटबलमा सोमबार राति म्यान्चेस्टर सिटी र एभर्टन भिड्नेछन्