काठमाडौं । बिहीबार (अाज) देखि राष्ट्रिय फुटसल लिग सुरु हुँदैछ ।

१६ टोलीको प्रतिस्पर्धा हुने उक्त प्रतियोगिताका खेल काठमाडौंको चपलीहाइटमा रहेको क्रिएसनल फुटसल सेन्टर र बौद्धमा रहेको स्तुपा स्पोर्टस हव फुटसल सेन्टरमा हुनेछन् ।

प्रतियोगिताका विजेताले पाँच लाख तथा उपविजेताले दुई लाख पचास हजार रुपैयाँ उपहार स्वरुप पाउनेछन् ।

झण्डै ३० लाख खर्च लाग्ने उक्त प्रतियोगिताबाट एएफसी फुटसल च्याम्पियनसिपका लागि खेलाडी छनौट समेत गरिने एन्फा फुटसल समितिका अध्यक्ष रमेश रायमाझीले बताएका छन् ।

एएफसी फुटसलको छनौट प्रतियोगिता आगामी अक्टोबर १३ देखि २२ तारिखसम्म हुनेछ ।

 

football national futsal league