काठमाडौं । स्पेनिस लिग फुटबलमा बार्सिलोनाले स्पानियोललाई ५–० को फराकिलो अन्तरले पराजित गरेको छ ।

लिओनल मेस्सीले गोलको बर्षा गर्दै ह्याट्रिक पुरा गरे । जेरार्ड पिके र लुइस सुवारेजले १–१ गोल गरे । डिफेन्डिङ च्याम्पियन रियाल मड्रिड भने बराबरीमै थन्किएको छ ।

रियाल मड्रिडलाई लेभान्तेले १–१ को बराबरीमै रोकेको हो । खेलमा भभि लोपेजले लेभान्तेलाई गोल दिलाए । लुकास भाजक्वेजले रियाललाई गोल दिलाए ।

तर मार्सेलोले रातो कार्ड पाउँदा भने रियाल मड्रिडलाई अर्को झड्का लागेको छ ।

युरोपियन प्लेयर अफ द इयर क्रिष्टियानो रोनाल्डो कार्वाहीमा परेपछि रियाल मड्रिडको खेल धरमराएको छ ।