रौतहट । रौतहटको चन्द्रपुर नगरपालिका २ जुडिबेला चोकमा गएराति ट्रक र एम्बुलेन्स आपसमा ठोकिंदा १ जनाको मृत्यु भएको छ भने ४ जना घाईते भएका छन् ।

गएराति पौने ९ बजे ना १ क ६९०१ नम्बरको ट्रक र ज १ च १४९१ नम्बरको एम्बुलेन्स एक आपसमा ठक्कर खाएका हुन् । मृत्यु हुनेमा एम्बुलेन्समा सवार ६६ वर्षिया पार्वती भुजेल रहेकी छिन् । उनलाई चपुर अस्पताल पु¥याउना साथ डाक्टरले मृत घोषणा गरेको थिए ।

दुर्घटनामा घाइते भएका एम्बुलेन्समा सवार सलार्हीको हरीवनकी ४० वर्षिया सुभद्रा श्रेष्ठ , ३० वर्षिया तुलशा भुजेल र ३० वर्षिय भुप बहादुर खत्रीको सोही अस्पतालमा उपचार भैरहेको छ भने एम्बुलेन्स चालक सर्लाही हरीवनका ३४ वर्षिय प्रेम कुमार कार्कीलाई थप उपचारको लागि चुरेहिल अस्पताल हेटौडा पठाइएको छ ।