इंग्लिस प्रिमियर लिग फुटबल अन्तर्गत सोमबार राति भएको खेलमा वेष्ट ह्याम विजयी भएको छ ।

वेष्ट ह्याम हडर्सफिल्डविरुद्ध २–० ले विजयी भएको हो । घरेलु मैदानमा भएको खेलमा वेष्ट ह्यामले यो सिजनको लिगमा पहिलो जित दर्ता गरेको हो । त्यस्तै यसै सिजन प्रिमियर लिगमा बढुवा भएको हडर्सफिल्डले भने पहिलो हार व्यहोरेको छ ।

वेष्ट ह्यामको जितका लागि पेट्रो ओबियाङ र आन्ड्रे आयुले गोल गरे । पहिलो हाफ गोलरहित बराबरीमा रोकिएको खेलमा पेट्रोले ७२ औं मिनेटमा गोल गर्दै वेष्ट ह्यामलाई सुरुवाति अग्रता दिलाए । त्यसको पाँच मिनेटपछि आन्ड्रेले गोल गर्दै वेष्ट ह्यामलाई २–० को जित दिलाए ।

पहिलो जितसँगै वेष्ट ह्यामले तीन अंक जोडेको छ । पराजित भएको हडर्सफिल्ड सात अंकसहित छैठौं स्थानमा छ ।