काठमाडौं । शिल्पा पोखरेलको फिल्मी यात्रा सुरु भएको चार वर्ष बित्नै लाग्यो ।

यद्यपी, नवल नेपालकाे लज्जाबाट हिरोइन बनेकी शिल्पाको करिअरले अझ रफ्तार लिन सकेको छैन्, मल्टिप्लेक्सले त उनलाई पत्याएकै छैन । सिंगल थिएटरमा बनेको धेर थोर क्रेज पनि ओरालो लाग्दै छ ।

उनी अभिनित चलचित्र मंगलम असोज ११ मा रिलिज हुने हल्ला पिटाइयो । शिल्पाले समेत दिनमा १० पटक फेसबुकमा मंगलमको प्रचार सामग्री अपलोड गर्छिन तर अन्तिम समयमा आएर फिल्म फागुन ४ का लागि सरेको छ । उनको फिल्मलाई दिपकराज गिरीको छक्का पन्जा २ ले पछाडि धकेली दिएको हो । यसैबीचमा शिल्पाद्वारा अभिनित अरु फिल्म पनि प्रदर्शनमा हुने छाँट छैन् । छविराज ओझाबाहेक अन्य व्यानरले उनलाई अझै पत्याएका छैनन् ।