यू–१६ एसियाकप फुटबल छनौटका लागि २३ सदस्यी नेपाली टोलीको घोषणा भएको छ ।

मिडफिल्डर रोशन रानाको कप्तानीमा रहेको नेपाली टोलीका गोलकिपरमा विशाल सुनार, सिद्धार्थ थापा मगर र रोहित कार्की रहेका छन् ।

यस्तै डिफेन्स लाइनमा रोहन दोङ, रन्दिप पौडेल, दीपक भन्डारा, असिम गुरुङ, सुवास कार्की, पुकार खड्का र सञ्जिव अर्याल रहेका छन् । मिडफिल्डमा भने शेराव तामाङ, सौगात खवास, सञ्जु श्रेष्ठ, कर्लोस बखरिया, अशोक किङरिङ मगर, अञ्जल महर्जन र दर्शन गुरुङ रहेका छन् । तथा फरवार्डमा अभिषेक श्रेष्ठ, वृजेश चौधरी, रञ्जन पुन र निशान रावल छनौट भएका छन् ।

समूह ‘डी’ मा रहेको नेपालसँगै इराक, भारत र प्यालेस्टाइन पनि रहेको छ । नेपालले पहिलो खेल यही बुधबार सशस्त्र प्रहरीको मैदान हल्चोकमा इराकसँग खेल्दैछ । प्रतियोगिताबाट समूह विजेता बन्न सफल टोली अन्तिम चरणमा प्रवेश गर्नेछ ।

nepal